انامستحقش اعبدك
تماثيل كتير فى اليونان تتمنى الشرف
خلينى غرقان جوه كفرى
وحل اعمق
من اتساختى بين ضوافرى
بحس لما باقص فيها
قطمه من روحى بمقصي
لما اشهر فى المرايا
كما لو محارب
لما احرر فى مفاتنى
لما اتعرى واتنى
لما اخرج حسي تانى م الجوارب
رحب حوضي
الاستدارة
شد خصري
ابقى اسجد
بيت خارج القصيد
روحى قابعه خلف كرشي
A Grotesque Old Woman, Possibly Princess Margaret of Tyrol, circa 1525-30
18 comments:
احييك على اختيارك للصوره
حاجه تـــقـــرف .. بجد مش مجامله والله و مش عشان انت موجود
ايمانك القوى باين ف كونك قرفان من الجانب الضعيف ف نفسك .. و نفسك الضعيفه بتبان ف ربطك بين السجود اللى المفروض انه فعل روحانى .. و بين اشياء جسميه هى ف الاصل مقر المعصيه .. و ربط روحك اللى هيه اطهر حاجه فينا كبشر بمركز الشهوه و الغريزه اللى هيه .... حاجه فينا كبشر
من دعاء الرسول صلى الله عليه و سلم .. اللهم يا مقلب القلوب ثبت قلبى على دينك
عاملة نفسى فاهمه:))
شكرا انك وضحت ان اخر بيت كان خارج القصيدة مع انه يمشى ......تصدق!!
_________
حكيم روحانى بفرح اوووووووووووى لما بشوف تعليقك هنا
اولا الصورة معكوس لاى حد ممكن يتخيل مدى قرفه الشخصي الكامن جواه
ثانيا انا ربطت بين السجود وبين رشاقه الجسم فى السجود كربط بيحوى ان الجسم شكل الروح
مكانها
ومعقد جدا وبسيط فكرة الربط والمزج بين الجسدى والروحانى
والفصل بينهم هيبقى صعب بالنسبالى
لان تأثيرهم بيبان على بعضهم طول الوقت
محدش روحانى الجانب وشهوانى الجانب الاخر
مزج
رهيب
انابس كنت عايز اقول انى مش جميل كفايه لعباده الرب
وان الجمال ال يستحق انه يعبد الرب جمال التماثيل اليونانيه منزوعة الروح
وان جمالى مشروط بشكل وشد جلد وخصر
وان فكرتى عن الجمال الجسدى بيعلى من فكرة انى بقدر الشهوه جوايا والغريزه وال من غير تهذيبها وشد قوامها مش هاقدر اكتسب بعد روحانى
يخلينى اسجد
بخفة عبد
دودو
يارب تعليقى لحكيم روحانى
يوصل معانى او يفكها من بعض
البيت ال خارج القصيد مش مقصود بيه المعنى الحرفى لخروجه من القصيده
مقصود تهميش البيت ووحدته فى السياق
لانه بيمس منطقه حرجه انى مشوه
او صاحب وجهه النظر فى القصيده
ال مش بالضروره انا
مشوه
حكيم روحانى
روحى ريحالك
فيك تخلص الصورة عندى من قبحها
!
يا عيون حكيم روحانى اللى انت بتشوفهم حلوين
و اما بنعمة ربك فحدث
و نعمتك انك جميل
حدث بأه
دودو يا قمر
انا اللى بفرح لما بشوفك
يا صديقة الاسره
قصدى صديقة الكنبه
:)
أخاف ان أحكم عايك انك معقد
يمكن علشان بحبك
توقعت انك تكلم الشيطان
ورخم شروحك فى تعليقك على حكيم روحانى
ألا كنت عاوز اعرفة من نثرك
مين قال:
انى مش جميل كفايه لعباده الرب
شوف أحدب نوتردام كان يعبد اللة ويؤمن بة أكثر من القديس
مش عاوز أقول ان ربنا خلقنا كدة بس يمكن -جل حلالة-عاوزنا نيقى درجات فى حبة ممكن
الشهوة و القذارة لا غنى عنهم للحياة كمثل الطهارة و النقاء
الموضوع كبير وانا لا اريد افتحة
خوفا على
بلال
طبعا مش بالضرورة انت;)
واحب اقول بالمناسبة ان البوست ده والى قبله مش راكبين مع شخصية حد بيقدر يستمتع باللحظات (الحلوة) فى وقتها... (فاكر بسم الله الرحمن الجميل)؟؟
وده الى قدرت الشوفه من الزاوية الصغيرة الى قاعدة فيها عالكنبة
على فكرة اول مرة احس ان الكنبة مريحة
عاجبنى مووووووت الحوار بينك وبين حكيم روحانى وشكلى مش هاقوم من الكنبة
فكرة التطهير اللي بقالك بوستين ماسكها متوافقة دلوقتي مع اللي حابب أقراه خاصة إنك بتعمل ده بشكل كويس حتي لو في الفترة دي بتزينه بإنك تتُف عليها كانغماس في القرف أكتر يمكن لاجل التطهر يبقى منشود بلهفة
بلّ الريق وسيلة فعالة
فاوست
لا انامقصدتش ان الجمال حد بيمنعك قبحه انك تكون مرتبط بربنا
لا
انابس كنت بلمس نقط خاصه بكفرنا بذواتنا جمالنا الخارجى المشوه المتبوع بتشويه روحانى
وكفرنا ده بجمالنا بيمتد لعلاقتنا الاعتياديه بربنا
وانا مؤن بينى وبينك ان التشويهات احنا ال بنعملها وان جمالنا متساوى من ساعه ولادتنا
بس احنا بطريه مبتذله ما فى ابتسامتنا بنضيف تعديلات فى شكل شفايفنا فبتبان مش فى جمال شفايف جوليا ربرتس
وان طري ما غبيه فى المشي والمعكوسه من طري تفكيرنا مثلنا اننا خايفين بتخلى مشي بنت عن بنت بيفرق
وبيدى جمال فى تدوير جسم حد عن حد
ده غير طبعا التشويهات ال بنببها بالافراط فى الاكل
او الغرايز بشكل ما
انا بس كنت بأكد على كفرنا بجمالنا
واعتراضى على السجود
هو اعتراض شكلى لانى مستحقهوش
ده بفرض ان السجده بالنسبالى دخول بملامحك فى كف الرب
صباح الفل
وشكرا ان بتحب الكنبه
دى حاجه تحلينى
اه
انا بجد معقد ده حاجه سهله الاكتشاف
دودو
صباح الفل
انا كامل التناقضات
ولولا خوفى ع الكنبه كنت وريتك كامل القصايد والافاكر ال بتتداعى فى دماغى وبتتشكل بالوقت
وده مش ازدواجيه او ضعف منى
بس التحولات فى التفكير ناحيه الحاجات واتسجيل لحظات طايشه او راكزة ورايقه بيبقى مهمتى الوحيده الانانيه فى الحفاظ على كامل تفاصيلى
ودينا بندور دماغات بعض لبعض وصول لفكرة او شعور يهز
فرحان ان الكنبه مريحه ليكى
حكيم مروقها ومخلى قعدتى عليها قعده عيل دخل سرير ملايته ساقعه وبتلسوع الجلد
حكيم حاضر ومعلق توكته على طرف الكنبه
صباح الفل
الجابري
التطهير
يارب تكون مش مؤلمه لوقت اطول
وانابرحب لوقت بيتدى من فتره بالقرف جوايا احسن مايطلع لحد غريب بخليه يطلع لى
باشكرك انك متابع التحولات
بس اهم من التسجيل انا بكتب احيانا لفنيه الحدث كشعر او نص مفتوح
مش سيره ذاتيه
وده مهم بالنسبالى لانى بيمرنى على شغلى لو بقى ليا شغل كاكاتب
صباح الفل
خطيبى العزيز بلال
كلنا عندنا عيوب
و كلنا عايزين نتخلص من عيوبنا
و نتغير
لأن التغيير للأحسن مش بيخليك حد تانى ده بيظهر الطهاره اللى جواك .. بيظهر "انت" الحقيقى
و مش بيفسد متع الحياه ده بيخليها أحلى و أعلى و اصفا و انقا و اطهر
اتمنى لك حياه سعيده
معايا
و مع تدويناتك الجديده
حبيبتك
لك نفس وجودية متحررة نجسة ....لوامة....حكاءة
ما أجمل روحك وأجمل كرشك
خالص تقديري واحترامي
حكيم روحى
معاكى حق محدش بيبقى حد تانى مهماحاول
والطهاره دى ف حته جوانيه اوى التدوير عليها بيستهلك تجريح وتكسير ف جدران داخليه كتيره عشان تعرفى مكانها فين بالظبط
الجميل انك مستحمله الهدم والتكسير وقله النوم من صوت العمال ال شغاليين جوه بيكسروا عايزين يوصله لمكان الحته الحلوة الجوانيه
حبيبك
ايمن الجندى
اشكرك جدا
انانفسي كمان محتمل فيها معانى تانيه
بس انت لامس 3 ملامح بيشملوها
هنا ع الكنبه
هفترض كمان ان اعجابك بكرشي اعجاب بالسخريه النابعه من طريقه الحكى عندى
منور الكنبه
واشكرك لتقبل القبح الداخلى حتى لو كان متقدم بشكل ميبنش قبح صرف
ده عيب فيا انى بلعب ع القبح واجمله
العزيز
الذي لاأعرف لماذا هي كنبة أولا، ولماذا هي حمراء ثانيا ويبدو أنها أسئلة تراثية قد تكون أجبت عنها من قبل، لكني لم أجد راحلتي لديك!
الأمر الآخر أنني عثرت على بعض الأصدقاء لديك وهو مادفعني لقراءة ماكتبت، ولولعي القديم بسخونة الشعر وخروجه عن النص - التراثي أيضا - أعتقد أنك كتبت تحفة صغيرة، تستحق منك أن تمنحنا الأكثر في القريب العاجل ولكن على نار هادئة.
خالص محبتي وامتناني
Post a Comment