جسمك عفى

تجعيده لسه صغيرة
عرفت طريق
عبر الخدود مختصر

قرب شفايفك
اتعثرت
سابت اثر

ولانها ابسط كتير من عنفوانك
من ضحكك الهستيرى
وقفت ترتعد
تبتعد
تدخل لجوة

----

جسمك عفي

اسم لقصيده يمكن في مرة لمحتها

----

من تقل الهدوم الشتوي فيك

----

سرب الحمام المار ولون السما
ايه بقي يبكيك

----

كان نفسي اوهبلك عيون
عيون ماليها الطيش صبا
تغريك ورا
تعبير بيهرب م الورق
تعبير لنظرة وعنيك ضعيفه ومتعبة

من تقل الهدوم الشتوي فيك
نفض ايديك
دلوقتي هاوهبلك كفوف
بدل الايدين المرعبة
بدل الايدين الي انت اهملت ابتذلها
بلمس عادي لأى شيء
مسح الرفوف مسك الفناجين والخشب

كان لمسها
حتي ف آخر مرة ليك
بتصورك
بتحسها بتعبير بسيط
بتفيض بنور
بتفيض بتلج

----

كان نفسي اوهبلك كفوف
تفتح زراير عيون صبية
بتنهج م الخجل
صوابعها بتشد الجيوب

تقلع فساتنها
تلقي مفاتنها
نهد متغطي بورود

ورق الورود
ولونها احمر قانية فيك
ملهبه

بس الاثر
من

تجعيده لسه صغيره
وعنين ضعيفة ومتعبة
وتقل الهدوم الشتوي فيك

جسمك عفي