Wednesday, March 21, 2007

ماما مش بتموت اكتر





انا خلاص فكرت
وتعبت من تفكيري



انا خلاص خلصت
تعالى يا ماما يللا وشطفينى



افكارى بتوسخ دماغى
افكارى بتوسخ هدومى
بتوسخ ايديا



نقطه من بلبلتى نزلت
على بنطلونى
تعالى يا ماما يللا وشطفينى

من يومين لما كانت دى اول مرة ال بتموتى
كانت ايديكى ساقعه خالص وانتى بتحمينى
واختفيتى
كان نفسي اشوفك
خفت افتح لا الصابون يدخل ف عينى
بكرة لما تموتى اكتر
مش هاخاف
هادخل الحمام لوحدى
ولعى النور انتى بس وسيبينى



انا خلاص خلصت
تعالى يا ماما
تعالى

1 comment:

GayofSun said...

اهي اهي اهي
و الله بكيت و أنا أقرأ كلامك
ذكرتني بمعاناتي بعد فقدان أمي قبل ثلاث سنوات
ألم على ألم
أحس دوما بأني طفل بحاجة لضحن أمي صدقني
البارحة سمعت في الراديو مقولة لمحمد عبد الوهاب
الرجل يشيخ فقط عندما يفقد أمه
أصبر يا عم
:(