Monday, March 26, 2007

مكسيم


الاربع الجاى هيتعرض عرض محدود فى مركز الجيزويت الثقافى فيلم مكسيم الفيلم من اخراج محمد رشاد ومن تأليفى معاه ده تانى فيلم اكتبه او اكتبه ويتنفذ مع رشاد هو فيلم روائي قصير وبيجى ضمن حاجه كده بيسموها حركة سينما فى اسكندريه سينما مستقله بس مستقله من كل حاجه امكانيات ذاتيه وانتاج فقير وبيبقى الرهان على انك ممكن تحقق من ورا ده فيلم بجد.

مخرج الفيلم هو محمد رشاد وهو من خريج هندسه مدنى وحاصل على ورشه سينما اقيمت فى اسكندريه تقريبا هى الورشه الاولى فى اسكندريه . اخرج مشروع تخرجه وكان اسمه ( من بعيد) وال اضطر بعد كده لتغير اسم الفيلم لان فيه فيلم له نفس الاسم فى نفس المهرجان وخلاه( ضل من بعيد)الفيلم كانت بتدور فكرته حوالين شخص بيحاول يحافظ على فكرة فى خياله غير شائبه من اى تدخل من خيال شخص تانى ولانها فكرة واهيه بيكتشف وهو فى اطار معزول عن الواقع ان كتير بيشركوه نفس الخيال ناحيه البنت ال بيشوفها كل يوم وبيتابع تفاصيلها بيكتشف انها ككيان شيء مايع بيتصاغ من خيال حد للتانى

الفيلم محققش نجاحات فى اى مهرجان هو وافلام كتير وده كان نتيجه يمكن للافكار الخاصه بالافلام او لحصول افلام اخرى ابسط او اقصر فى طاقتها ومساحة عرضها وتجاوبها مع قطاع اكبر من المشاهدين. الجميل فى رشاد انه للمرة التانيه بيراهن على افكار شبهه هو وبدون الدخول فى ميديا افكار معولبه لشكل الفيلم القصير . فيلمه مكسيم هو نتيجه حصوله على منحه من مركز الجيزويت الثقافى بعد مسابقه سيناريو مقصورة فقط على نفس المخرجين من الورشه .وبتدور فكرته العامه عن حياة حارس دير والتشكيك حوالين ايمانه بتاريخه الشخصى كل تفاصيله ال هو شديد الايمان بيها

رشاد بيحضر لفيلم جديد بياخد شكل جنسي حوالين كل العلاقات ال فوق وتحت السطح فى اسكندريه . كمان هو بيحضر لكتابة فيلمه الروائي الطويل كسيناريست



مكان العرض الجيزويت

والدخول مجانا

الساعه 7 ونص




بطاقة الفيلم

فيلم مكسيم روائى قصير

اخراج محمد رشاد

سيناريو محمد رشاد وبلال حسنى

مدير التصوير اسلام كمال

مونتاج عماد ماهر

مساعد مخرج محمد صلاح

منسق مناظر احمد السمرا

مدير انتاج هديل نظمى

3 comments:

عمرو said...

المدونة رائعة وبذاد هذا الموضوع الشيق واتمني كتابة الكثير من المواضيع

Anonymous said...

بلال شكراااااااااااااا
رشاد

GayofSun said...

أتمنى حقا أن تفضل بزيارة مدونتي حيث قمت لأول بتجرتبي الأولى في كتابة القصة القصيرة
مجموعة قصيصة بعنوان كلماتهم رحلت عنهم
و القصة بعنوان تزوجت أبي رغما عني
أتمنى أن أرى تعليقاتك و نقدك للقصة
سأكون حقا ممتنا
تحياتي

http://gayofsun.blogspot.com/2007/03/blog-post_30.html