بـيـبـقى حــلــو
لما اصحا يوم لوحدى
أفتح شبابيك ملامحى
و اشوفك
افطر معاك
النهار و شكل عينك
الورود ال ف ملامحى
كلها شوك بس حاسب
بيبقوا بردو مدلعينك
شاى بلبن مع بسكويت
احلى من لو تبنى لى بيت
بس لو تتعب شويه
و تبنى بيت رائع بجد
راح اسيب
شاى بلبن
مهما كان مهما هيكون التمن
و ابقا اتخيل معاك
شاى سـُـكره
بـيـبـقى حــلــو
2 comments:
بيبقى حلو
لما عيونك تلمع و تبان فيها صورتى
بشوفها أحلى من الحقيقه
بيبقى حلو
استشعارك الدقيق لذبذبات مشاعرى المستخبيه عنى و تقليبها زى السكر ف كباية شاى بلبن
بيبقى حلو
بيبقى احلى ان كلامى بيمر فى مسامك
كان بس بيكفينى ان ابوس كلمه كلمه وصلالك عشان تدخل محمله عربيات نقل بلاستيك منمنمه لمسامك بالبوسات الجيلي
لجواكى
اموااا
Post a Comment