مع انى بكرش
بترهل واضح فى الروح المتنيه
بفقدوببطء شديد فاضح الجاذبيه
وبنام ساعتين
ساعتين فى اليوم
وبكمل طاقتى على الوقت بحشيش مخلوط
وبطارخ رنجة مملحه خالص وعيش سن
مع انى مجتش
انا باعرف ان القهوة بتاعتك بردت
بردت معلش
ومن غير وش
وان الكرسي الخشب البنى ال قعدتيه
عمره اكيد اطول منى
فى الشقة المتأجرة سنه ومكتوبه بعقد
ومابين درفة بلكونه وحيط
ببكى وبنزوى
ببكى
على مرة
بوستك بالتبغ
حضنك من ضهرك فى القهوة
من تحت تى شيرتك
شيء عنتبل
زعتر ولمون
اخبار م الاهل
ادعك صلصال ضهرك مرة وحيده
وده شيء مش سهل
No comments:
Post a Comment