Wednesday, February 14, 2007

انطونيو



من فترة حلوة كده يجى اد شهر كان البيت فاضي عليا انا وبهظوظ وشوية الشربات وصدا الصوت في الاوضه ال بتطل مباشرة على استاد المنور.عدى ع البيت وقت السيدهندس وثقافته المخلوطه من الازهروالروك اندرول . مرورا لعملية انقاذ ليا من مودى ال جاب شنطة هدومه وبطنيته للاقامة عندنا وذلك لانقاذ فيلمى من مشاهد البورنوواعادة هيكلة فيلمى تانى عشان الحق اقدمه قيل يوم الخميس الجاى لانه اترفض .ومودى ده يبقى تالت فيلم قصيرنكتبه مع بعض والكتابه بجد مع بعض متعه

والبيت اتزحم اكتربالسيد انطونيو من اسبانيا المقيم لدينا لفترة فى حجرة الاستاد. وانطونيو ده حكايته حكايه . مرورابالتواصل الحضارى بينى وبينه عبرلغتى الانجليزيه الدايت التى بدون جرمراو قواعد متعارف عليها. فمثلا اذا مااردت قول انا هاوريك اسكندريه القديمه شارع شارع

باقولها اى ويل تاك يو تو اولد تاون ان الكساندريا تو سي ستريت ستريت

ان ديتالز بالتفصيل يعنى


بابا انطونيوبيحب يعمل الاكل حلو جدا وبسيط بشكل بجد لو كنت شوفته كنت بوسته , يحكى فى حكايات اسبانيا التى يروريها انطونيو ان صديق له اتى وفضل يشمشم حوالين ريحة الاكل ال في البيت وفضل يمشي يمشى لحد ما وصل للمطبخ لقى حتة دين اكلة ولما شافه باباانطونيو الواد قاله ايه الفود الحلو ده يا عمو

الراجل الطيب قاله ده انا عمله للكلب

تخيل ابو انطونيوبيعمل اكل بيطبخه وبيخليه مذاقه يهبل للكلب

ده راجل بجد ابن لذينا

------------

كان لابد للسيد انطونيو من مذاق الحشيش المصرى . امبارح قعدنا انا وهو ومودى نتفرج على فيلم تسجيلى مهم عن الخطر ال بيهدد البيئه وزيادة التلوث الناتج فى العالم من ثانى اكسيد الكربون

موضوع كبير

بعدها الميه اتقطعت وبعد طول عطش قرر انطونيو ومودى النزول للاتيان بمياه معدنيه. وهما نازلين بيسالوا البواب ببرائه معفنه خليطه من دم مصري واسبانى .سألوه هو ليه الميه مقطوعه

البواب راح داعك ف عنيه مفعصها زى الطمطمايه المهجنه الرخيصه وقال يوه يا بيه انا كنت منزل السكينه وقافل الميه

يا اهبل

البواب كان منزل السكينه وقافل الميه

مودى فى تحليله قال ان البواب وحيد وبيلعب

صاحى وبيلعب

وكان بيسلى نفسه

اخرالليل قعدنا نتفرج على فيلم ايرانى لعباس كروستامى كان رائع . بعدها اتفرجنا على سكس سين بتوين الست انجليا جولى والكونت انطونيو باندارس

بعدها قعدنا نتفرج على اقدم البوم صورللعاهرات فى التاريخ

البوم كبير جدا

قرب الساعه 6الصبح دخلو ناموا

وانا روحت مدفوس فى الكنبه الحمرا بالاب توب وقعدت اسمع اغانى اول مرة اسمعها جايزمن ضمنهم نانسي سناترا او بوب مارلي وقعدت اتفرج على الالبوم كامل

بدون افتعال كنت فى كل مرة بتفرج على صورة كنت جواها

كنت بافكرللحظه ان كانت كل بريستتيوت بتفرج عليها كانت عارفه ان سنين طويله هتعدى وحد هيقعد يتفرج عليها

سمى ده افتعال بس انا كنت معاهم ف الصور كانوا بيفكروا فى ايه وقت متاخدت لحظه وحيده لتصوريهم

فكرت فيهم فى جمالاهم مقاييس الجمال فى اجسامهم وقتها

الترهلات اللذيذه. سحبة وشوشهم

لوقت طويل طول الليل

كنت نايم على الكنبه الحمرا مع اقدم عاهرات فى التاريخ ابيض واسود بهتان

لوقت طويل كنت على ضهرى وبتفرج على عرض لكل ترهل فى ثدى واحده او حزن مدارى فى عين واحدة تانيه او جمال لضهر انا مش باقدر اقاومه

لم اعاشراحد منهن

بس كنت قريب جدا من ملمسهم

نمت فى النور


فيه صورة حلوه مصورهالى انطونيو

انى واقف ادام الشباك فى البيت بيطل من برة على حيط حاجز الرؤيه لانه قريب جدا من

الشباك

12 comments:

عسل مرمر said...

انطونيو
يا تلتميت نـهار ويلكام يا اخ انطونيو .. أتارى اسكندريه نورت والله يا مان

عسل مرمر said...

بيبو
ربنا يوفقك ف الفيلم و أكيد دخول مودى ف الموضوع هيخلى الفيلم أحلى

ربنا يخليلنا بهظ و بدرى و انطونيو و مودى اللى بيخلوك تبعت بوستات مطرقعه كده بس واضح انك مكنتش بتحضر حصة الإملاء عشان فى أخطاء إملائيه كتيـــره
ولا حصة الانجليزى
لحد هنا كان عاجبنى كلامك اوى .. بس لما قريت الحشيش قلقت شويه بس قلت عادى يا بت .. ضيف بردو و إكرام الضيف واجب و احنا شعب مضياف ..
من أول الأفلام و الصور البورنو اتخضيت و حسيت ان الكلام هيبأه بايخ
لما اتكلمت عن الترهلات بأه متزعلش منى .. حسيت انك مفتعل .

karakib said...

:) يا بختك ... أنا عايز أشتري كنبه حمرا
راجل بيطبخ للكلب بتاعه :) ياااه
الناس دي فعلا عايشه حياتها بأسلوب يستمتعون به
باحب أتفرج عالافلام الجديده و الصور و أنسج قصصي و أمد خيوط خيالي مع خطوط واقعهم و ساعات أتضايق لأنه أكيد في سبب لأنهم أتصوروا بالشكل ده و فيه خبرات في حياتهم ادت بيهم للوضع ده
شربت الاسباني حشيش :) طيب و عرف يهزر بعدها و القعده بقت عاديه و لا كان شكلها غريب علشان مش هايعرف يقول القفشت المصري و لا يفهمها

عسل مرمر said...

فكرة الهبل اللغوى !
أتارى ده مقصود !
شوف ازاى
!!!
و انا اللى كنت فكراك
...
ظلمتك
بس على فكره اسمها الأخطاء الإملائيه
مش الأخطاء الملائيه

انا موهوبه من صغرى ف كشف حاجتين
الكذب و الإفتعال
يا بيبو

سلملى على انطونيو كتير و قوللى بوب مارلى ده يقدر يسمعو ف بلدهم
لكن هنا
يسمع الريس متقال

و للا مش عارفو يا بيبو

الـلـه يـرحـم

عسل مرمر said...

بيبو
انطونيو بلاش ياكل كبدة الفلاح
ال انت بتاكلها
ال السندوتش بجنيه ..

Anonymous said...

اوقات كتير بتمر علينا حظات بنفتكرها حلوه لكن بعد ماتمر بكتشف انها كانت فى قممممممممممة الروعة واننا مستعدين نعمل اى حاجة فى الدنيا علشان نرجلعها تانى
يابختك على قدرتك فى تقيمك الناجح للحظاتك الحلوة واستمتاعك بيها لدرجة بتخلينى احس انك حاتفضل حاسسها حتى بعد فواتها

بلال حســــنى said...

مرمر
الوانك حلوة حد ف اختيارك لفرش الملايا ليا
ياى كبدة فلاح مين
انا مش عارف انتى بتتكلمى عن مين
انا
بيبو انا
اكل كبدة فلاح ده
ال هى بجنيه
ياى
وساعات بيدى مع 3 سندوتشات علبة طحينه ومخلل
ولو طلبتى 4
بيدى كيس عيش محمر
ياى
ولا عمرى شوفته
انتى جاسوسه قصدك تشويه بلوجى برائحة الكبده
اعداء النجاح يلى بلوجك فاضي ها

دودو
بجد انت بتقولى الحاجه ال مكنتش عارفها
عندك حق
بكرة ممكن هندس او انطونيو او بهظوظ نفترق
بتتبقى الحاجات الصغيرة اوى النمنم ال بيترجعلك المتع اللحظيه معاهم
جميل منك انك تعرفى السر
سر الحاجات الصغيرة
منورة الكنبه

عسل مرمر said...

حـوش حـوش
بلوجك الطاهر الشريف العفيف النضيف
اللى حتنجسه رائحة الكبده الكريهه

يا عميل ياللى بتشوه صورة البلد
و ان كنت ناسى افكرك

Guevara said...

يحرقك انت و البهظ في يوم واحد قادر يا كريم

معلش بس بهظ بقى بيطاردني فـ كوابيسي خلاص ... جرى إيه يا عم؟ انت لو عايش في البيت مع ابن رشد ولا فرويد ولا مدام ماري كوري ما كنتش حتشدهم معاك في كل حاجة بتكتبها كدة ...

على العموم ... حلو الاسترسال ده يا برينز !!

Ahmed said...

أسلوب سردك غريب نوع ما
رغم أنه كان بالعامية المصرية إلا أنه أعجبني و كان مشوقا
عزيزي قمت بإضافة مدونتك الكنبة الحمرا لقائمة المدونات المفضلة عندي
يشرفني أن نكون أصدقاء
هل تقبل صداقتي؟
محبتي

Bahz.Baih said...

يا جيفارا يا كلب

طب خللى حد تانى يقول الكلام ده

طبعا لما تعيش مع واحد و مش لازم تكون مدان كورى حتكتب عن تفاصيل حياتكم

دانا يا ناكر الجميل لما كنت بتزورنى فى بيت أشرف كنت بكتب عن حكاياتك و تأثيرها علينا فاكر مكرونه بالبصل و لا تنويعات على فنجان قهوه يا جزمه

ما علينا انا مش هتكلم أكتر من روح بص لبلوججك و قد أيه فيه عن زرياب يا يا يا يا بو وشين

و مش كفايه أنك مجيتش البيت لحد دلوقتى يا معفن

بلال حســــنى said...

مرمر
لولا انك عسل انا كنت لحستك من البلوج بتاعى
اممممممم

جيفارا
الكتابه عن بهظ صديكى تتعدى متعة الكتابة عن الشربات بالحجرة المجاورة او جلساته للتدليك او كل الاشياء الصغيرة الهبله فى نفسها
الكتابه هن بهظوظ تتعدى ذلك وتلك
انها كتابه عن الاثير المنبعث من سيمفونية شخيره كل ليل

ارجوك حاول ان تتفهم موقفى
انا اكتب عن بهظوظ النوظ كاونوظ


gayofsun
وانا قبلت صداقتك
ومتشكر ان الكنبه كانت مريحه معاك رغم كونها بالعاميه المصريه

بهظ
الى كل القراء عبر المودنات
استمتعنا معا بتعليق السيد بهظ
ومحاضرته عن الردح المنهجى واثره على فرش الملايا الخضرا على المرتبه الاورنج
وارتباطه بالتأثير الكنباوى الاحمر