لو بس ارجع بسني
واطلع من شىء ساجني
وادخل بيتنا القديم
العب علي اد ما اقدر
وانطق من غير ما فكر
واموت ف حب سكر
ويكون خوفى الوحيد
لو يوم يطلع لى جني
ارجع تاني قصير
واحلم اطول السحاب
وانسي ع الناس ادور
وانسي ع الناس ادور
ما انا بين لمة صحاب
واصعب شىء لما افكر
واصعب شىء لما افكر
وانا ف حصة حساب
لا اسهر محتار في ليلي
ولا بكرة يبقي همي
وتكون نومة سريري
وتكون نومة سريري
دايما ف حضن امي
واحلم مصروفي يكتر
واحلم مصروفي يكتر
العب علي اد ما اقدر
وانطق من غير ما افكر
واموت ف حب سكر
ويكون خوفي الوحيد
لو يوم يطلع لي جني
لو بس ارجع بسني
وادخل بيتنا القديم
14 comments:
ســــكــــر
لما أرجع من الإمتحان بأه اقول لك رأيى المتواضع
حلو قوى قوى
لو بس ارجع بسنى
واطلع من شئ ساجنى
جميل جدا بجد عجبنى كلامك واسلوبك
تحياتى
اسـمـع بأه التعليق يكون ازاى ...
المقدمه منقسمه إلى مرحلتين كتطور طبيعى للرجوع خلفا دون ان تـحترس..
الكوبليه الأولانى (اسمحلى اقول كوبليه ما انت عارف الصنعه تحكم) لذيذ و رايق و مليان
ســـــــكــــر
و كـلام مكـــسر
و استغــمايــه
و عفاريت بتحضر
الكوبليه التانى (زى ما اتفقنا) دخل فيه حزن و شجن محبب إلى قلب الشخص الكئيب المهموم اللى معندوش سرير
أصدى بيسهر يفكر ف ال ناسيه و ف اللى فاكره كمان..
الإعاده و هى القفله بلغة الموسيقى كانت منطقية جدا .. و قد تعلمنا فى استراتيجيات الإبداع ان كل ما هو منطقى و مألوف فهو ليس إبداعا
و لكن
انت عامل كده حلو أوى يعنى محقق نظرية تآلف الأشتات (جعل المألوف غريب)
تفتكر لو كتبت كده ف الإمتحان .. أنجح ؟؟
أميره صلاح
من أجمل ما كتبت يا بلال
على فكره بأه وحشه جدا
جميلة جدا وجايا على الوترررررررر
و لأنى بدخل الكنبه كتير زى ما كلنا عارفين
احب اقوللك بخصوص
أخرج من شىء ساجننى
جميل أوى تسجيلك لإحساس صغير زى ده
ان سجنك بره البيت و حريتك جواه
مريم
يااه... هايل..ولأول مرة من غير اى سب دين او قباحة...واضح نك كتبتها وانت صغير ما كنتش لسة اتعلمت الشتايم وقلة الأدب و السفالة :]...
بغض النظر عن الهزار...
القصيدة جميلة و فيها موود الحنين للمستحيل
انا بحب السكة دى
عسل مرمر
ردا على سؤالك انك لو عملتى كده فى الامتحان تنجحى
يارتنى الدكتور ال هيشرف على رسالتك
وحلو اوى فكرة تآلف الاشتات
وملاحظتك ان القصيده بتجعل المألوف غريب
طبعا انامش ادك
عسل مرمر
اميرة حبي انا
على فكرة بقى ى وحش جدا فعلا بجد
وادامك تنقذيها
لوقرتيها مره كمان تحلو من وقوع عنيكى على الحروف
اسلام عياد
الله يخرب بيتك فضحتنى
انابريء
مبسوط جدا انها عجبتك وانها بعيده عن الحاجات ال بتشوفها فيا
وعندك حق يا واد
انا كتبتها من فترة طويله
كنت فى بيتنا التالت بعد بيتنا القديم
حلو انها مستك وانها سكتك
سكوت هنصوت
حلو انها بسيطه وقويه فى احساسها عندك
جميله
الاستاذ امين
اشكرك جدا جدا
مبسوط جدا لوجودك
منور الكنبه
Post a Comment