Wednesday, July 18, 2007

ستيلا واين حشيش


فى حفله عيد ميلاد حد او ديش بارتى لحد اسبانى اعتقد او واحده ايطاليه

مش عارف

كنت موجود فوق سطح لعماره حلوة قديمه بتطل على الاستاد ووسط البلد مكشوف منها

الحفله كانت كلها خواجات بيرقصوا واسكندرانيه

انا اخدت جانب السور وسرحت فى المنظر وسبت الدنيا

فى البدايه كان معايا استيلا كانت كالعاده بالنسبالى مره

شربتها لما جالى واحد صاحبي وقالى انه هيموت ويرقص مع البنت الاسبانيه ال هناك دى وال كان قصرها وجيبتها المتفصله من خياطه اسبانيه

(الغرز المعموله فى الجيبه كان من فيها غرز من دم الست الخياطه ام جسم خمسيينى لانها كنت بتسرح وهى بتعملها)

البنت كانت تلاتينه

اناسرحت فى منظر اسكندريه من فوق

وانا اسكندرانى بيكتشف اسكندريه كل يوم لانى مش عارف كل شوارعها

وده زمان كان يكسف

دلوقت لا بالنسبالى

يولاندا وقفت جنبي وسالتنى بحماس عن المبنى ال سرحت فيه

قلت لها معرفش

بعدها بفتره ومع قرب انتهاء ازازة الاسيتلا المره والمززه

لاقيت ولدين من صحاب واحد صاحبي كانت مهمتهم عمل كوبايات حشيش

دبابيس يعنى زى ال بتشوك فى جيبه البنت الاسبانيه

وبكميه رهيبه كأنى هموت النهارده

شربت حشيش اكتر من 12 كوبايه على ماافتكر وانافايق

وف مره م المرات كنت تقريبا بشكل رأسي ادام السما والفانيليا ال اسمها السحاب

بحشش بشكل متوازن وانا مستقيم فى وضعى ناحيه السموات ال مترتبه فوق بعضها من غير عمدان ولا تلامس

ومع اغنيه للشاب فاضل شرقى جدا بشكل يسحراسمهاnebreck

ابتديت ارقص فى المحل وادام السور وبشكل مكتوم فى طريقى للسما

قبلها بشويه واحنا فى سطوح الدور التامن العالى جدا بعلو كل دور عن العادى

كنت سامع صوت مرات البوابه وهى تحت

بعدها بشويه

كان قدرتى على سماع اصوات الناس فى الشارع وجوة العربيات نقى

وواضح

بعد هروبي من ناحية السور للداخل

شربت واين احمر

لونه كان مثير

او انا كان استعدادى للاستثاره عالى من الالوان والصوت

اكتر من البنات ال كانت بترقص

ولوقت اقرب للساعه 5 الفجر كنت بارقص فى المحل فى مكانى اذا كنت قاعد او فى نص حلبه رقص السطوح

وبيقوله انى كلمت نفسي كتير بشكل هامس

واضح انى كنت بصفى خلافات قديمه معايا

نزلنا بالعافيه

وكان اخر منظر ليا وقتها ان البنت الاسبانيه رفعت جيبتها وربطتها

مش عارف ليه


فى الشارع اتحولت اسكندريه فى عينى لوسط البلد فى القاهره

ولوهله لمست العمارات القديمه هى

هى العمارات والمحلات والارصفه ال ف وسط البلد

لوقت اتخيلت ان عدى على اليوم ده ال انا فيه سنين ،وانى من وقتها سكران

وانى سافرت القاهره وعشت هناك مدروش

فضلت بالاحساس ده وانا ماشي فى شارع عادى جدا ف اسكندريه بس انا لامس وشايف عمارات ومحلات وسط البلد فى القاهره

الفت اغنيه من كوبليه عن البيوت وفضلت اغنيها طول مانا ماشي

فى بلدى ال انا ماشي فيها

كل حته فيها

فيها بيت

بيت ناقصه شيش

فى بلدى ال اناماشي فيها

كل حته فيها

فيها بيت

بيت جواه شاويش

واناكل مااجى اسافر

تمنعنى فى اوضتى حيطه

وامى كانت تقولى

العربيه دى عبيطه

العربيه دى عبيطه

ده مفيش احلى من تمشيه

على تراب بلدى

وجدتى كانت حويطه

كانت بتعبي منه فى قلبها

وف بؤها

وف عينيها

بلدى ال اناماشي فيها

وفضلت اغنى لحد ماروحت

واحد من ال كانوا معايا سابنى قرب بيتى بشارع

شارع واحد

يفترض انه قصير

لكنى مشيت كتير جدا

مشيت اسكندريه

انا ساكن فى اخره قبل اخره بشويه

وفجاه بان او لاح الاخر

لاقيت فى اخر الشارع بيبان نيل

اقعدت ادعك ف عنينا عشان افوق

بلال

انت ف اسكندريه

فووووووق

لا

نيل والله نيل

ده فيه مراكب بتعدى

وفيه نورفى المراكب من اللمبات الصغيره

اوبس

اقعدت ابص على العربيات عشان اتاكد انى ف اسكندريه

اول عربيتين كانوا ملاكى القاهره والباقى كان كلهم ملاكى اسكندريه

لاقتنى باقنع نفسي اننا فى القاهره

وان كم العربيات ال ملاكى اسكندريه هما ناس زيي محششه ونزلوا القاهره

فضلت ماشي فى الشارع الموازى للبحر واناشايف ف اخره النيل

اه

تمام كده

وصلت لمحل جزاره الاوائل

كده انابيتى تالت بيت وادخل

استنى البيت يجى

لا لاقيت جزاره الاوائل تانى

المحل تانى

لا عاشر

المحل قعدت يتكرر حوالى 30 مرة

وبيتى مش بيجى

والنيل فى اخر الشارع لسه

حاولت اوقف راجل كبير

سبنى ومشي من مشيتى المتزنه تماما

اناكنت عايزه يمسك جزاره الاوائل بأيده عشان الاقى مدخل العماره ال انا فيها

لانه بعد الجزاره بمدخلين

المحل فضل يتكرر

يتكرر

قلت اروح امسكه بنفسي واجرى فجأه واسبق المحل قبل مايتكرر تانى وبكده الاقى مدخل البيت

عملت كده

ووصلت

السلم

الاسانسير بايظ وانا فى الدور التامن

طلعت حوالى 92 دور قبل ماوصل البيت

دخلت لاقيت بهظ بيتفرج على

sunshine of the spotliss mind

بتاع جيم كارى انانمت

ولاقيته بيقول

(لا اله الا الله استغفر الله العظيم ال كتب الفيلم ده ينفع اله للسينما)

قلت له بهظ اتلم

احنا عندنا اله واحد بس بتاع كله

صحيت من فوق الكنبه الحمرا بعد 10دقايق

وبصيت على الفيلم ال شوفته 62 مره

لاقيت اه جيم كارى وكيت وينسلت بس الفيلم مشاهد جديده

ايه ده

ده متصور على النيل

الله

ده الترجمه العربي بيقولوا ( وانا شايفها ومقرب جدا ) انهم فى مصر

اناشوفت فيلم تانى خالص

خلص بالظبط مع ال كان بيشوفوه بهظ وعلى نفس الشاشه

نزلت انا وبهظ الساعه 6 ونص كده

فطرت وخربت الدنيا

وروحت الشغل بعدها بشويه

تأثير الواين فى دمى

للدرجه ال قدمت استقالتى عشان المرتب اهبل

ورفضوها وزاد المرتب واترقيت

لا ده انا كمان فضلت طول اليوم افكر فى السوبيا


السوبيا

مشروب مزج من فانيليا ولبن وجوز هند

ابيض ورايق

ومعسل بشكل مسكر

اوى




9 comments:

moneer said...

يااااااااه يا بلال
تصور نفاصيلك الصغيرة بتعشّق معايا اوى
انت فكرتنى بمواقف مشابهة اتعرضت ليها
و كنت بتوه برضه
مرة كنت فى مسرح الليسيه و كان عندى مسرحيةو بعد مخلصنا الديكور شربت و يوميها امترجحت شوية و قمت علشان انام وقعدت ادور على السرير بتاعى مع انى فى المسرح بس كنت عايز السرير بتاعى علشان انام فى الاخر نمت على الخشبة و دى كان اجمل نومة فى حياتى
و مرة اتخيلت نفسى عادل امام و قلدته فى وسط شارع بورسعيد هوا انا كنت حاسس بحاجه
عادى سيب نفسك و اطلق العنان لخيالك و هو هيرسملك حياتك بصورة اجمل و ساعتها ادى دقنى لو شفت الملل ده

عـسـل مـرمـر said...

مع ان اللى حصل اروع من كده بكتير
بس أنا مش حسألك
هل لديك أقوال أخرى

الأغنيه حلوه أوى
شبهك

أنا عايز أحشش

عـسـل مـرمـر said...

الحفله اللى انا حضرتها بأه مقوللكش
حاجه كده فوق الوصف و فوق الخيال و فوق توقعات اى انسان

بس غريبه مشفتكش هناك

على العموم ادخل عندى حتلاقى شويه صغيرين أوى من تفاصيل الحفله ال انا حضرتها

elharam said...

ألف مبروك يا بلال على زيادة المرتب وطبعاً الفضل يرجع للواين والحشيش

vetrinary said...

هوا انا معلقتش
مش فاكر
بس لو معلقتش يبقى الدماغ كده
طالبه مزاوله
انتا التعليق بينزل على طول عندك ولالازم انتا تشوفه الاول
وبعدين ينزل
انا متهيالى التانيه
ولو التانيه يبقى انا خربااااااااااااااان
لما نشوف كده
ولو كده
يبقى انا هكتب التعليق تانى اللى المفروض انا بعته
ولو مش كده
انا مش كتب التعليق تانتى وصدقنى هوا انا فاكر انه تعليق جامد
ولو للاسف الموضوع بقى
مش كده
يبقى انتا هتضيع منك او هيضيع شرف قرايه التعليق ده
معلش نسيت اقلك انى خرباااااااان اوى دلوقتى

vetrinary said...

.................
.........
............
..........
........
.................
....................]


المتحدث الرسمى باسم صعاليك شبرا القاطنين على مقاهى وسط البلد
اللى الشاى فيه بنص جنيه

Anonymous said...

معلش بعد اذنك يابلال
حكيم روحانى انا مش عارفة انزل تعليق عندك فى المدونة علشان ماعنديش بلوج
ممكن تسمح للغلابة الى زى حالاتى يعلقوا؟؟

بالنسبة بأى للنيل الى راح اسكندرية بتحصل على فكرة من غير حشيش والحاجات التانية دى فيه ناس جابت النيل جنب الهرم عادى يعنى :)

عـسـل مـرمـر said...

مدونتى هتنور بوجودك يا دودو

Bahz.Baih said...

يخرب بيت دماغك... انت يابنى مش هتبطل فضايح