سيبينى يومين كمان
واناهتصل بيكى
محتاج ابعد بذاتى
وذاتى معكوسه فيكى
حاسس جوايا بير
واخد شكل الحنين
لو ترمى فيا عمله
مش هسمع صوت رنين
حاسس بخواء مهين
يمكن عشان محتاج اركب ترام
واتشعلق ف البيبان
تشكلنى بنت حلوة زى ماتشكل لبان
ابقى بطعم الفراوله ابقى بطرف اللسان
سيبينى يومين كمان واناهتصل اكيد
محتاج ابعد بذاتى واحس انى وحيد
شايف على كتفى طير
ابيض يشبه لروحى
عايز يرفعنى فوق
وانا بربطنى بجروحى
يمكن جنان لو اقولك ع الر هان
نفسي اطلع سور مكان
وابص ف كل ناحيه القى براح للكيان
ويا موت يا اما احيا بس احس اتزان
سيبينى يومين كمان
6 comments:
انتى تسيبنى شهرين علشان اعرف اكتب كومنت يساوى الكلام الجامد ده
تحفه و دماغ عالية
كلمات جميله جدا
رحلة البحث عن اتزان لروحك و ذاتك و انت و هيه
معادله صعبه بس محسومه
البعد = اتزان
الاتزان = موت
--------------
البعد = موت
قالها قبلك صلاح جاهين
في يوم صحيت شاعر براحة و صفا
الهم زال والحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
الله عليك
بتفكرني بنزار
ابتعدي عني قليلا حتى أراك أوضح
نفس فلسفة الإبتعاد لالتقاط الأنفاس و تحديد وجهة ما
تحياتي
حكيم روحانى
فيك كنت تفسر الموت بالنسبالك
اتزانه
وايمانك بالفكره
متشكر ان المعانى وصلالك
انا اتخضيت من ربطك للفكرة بالموت وبالاتزان وعلاقتهم بالبعد
وعجبي
مش كنت تقول انك عايز حد يصلحهولك ؟!
الباور سبلاى
Post a Comment