Tuesday, November 27, 2007

ماركه مسجله





ماركة مسجلة لتسبيكة صلصه


اسمها قلبي


وانتى مهيئه تكونى الليله


حبيبتى ومكرونتى








لما بوستك واحنا بنعدى النفق


خطوة والتانيه ورفعتك

عن الارض حبة


ظابط الامن ال فجأه التفت



كان كأنه

جزء فى استعراض كبير




ماركة مسجله لتسبيكة صلصة

اسمها قلبي




وانتى مهيئه تكونى الليله حبيبتى ومكرونتى


احلى ما فى السفر حبة تعب


سندتك على كتفى وانتى مهمده


قبل ما الاتوبيس بيمشي


بابقى نفسي انعم المطبات لا تقلقك


ولو غرقتى جوة كرسيكى وحكمتى


قبضتك فى دراعى

بهدوء بانتفض


عينى بتولع وتطفى




ماركة مسجلة

لتسبيكة صلصه

اسمها قلبي












2 comments:

mahmoud said...

بص هو كل اللى بتكتبه ماركة مسجلة
عبقرى دائماَ
شرف ليا اعلق عندك
تحياتى

Anonymous said...

مش عارف ليه مش حاسس انك بتتكلم عن مكرونة
حاسك بتتكلم عن حاجه اقرب ليك من المكرونة
عاجبنى تشبيه الامن
ا ع