Monday, May 28, 2007

الناحيه التانيه






عايز تشوف ربنا
بص الناحيه التانيه
ضم الناس ع الخلا
واقفل باب الدنيا

حرك كل غرايزك
حرك حتى ف عجزك
ثبت كل الوقت المار
وادخل سحر الثانيه


عايز تشوف ربنا
بص الناحيه التانيه
وانت تشوفه بيخلق
سما باللون الازرق
نظرة عينه بتبرق
تطلع شمس بتشرق


وانت تشوفه بيخلق
سما باللون الازرق
يمد ف ايده بيفرك
تطلع شمس بتشرق




عايز تشوف ربنا
بص الناحيه التانيه
تلقى ملامحه بتضحك
تلقاها نفس طريقتك
تواجه مرة شيطانك
تعرف منه حقيقتك
... وان النار الفانيه






بص الناحية
التانيه

8 comments:

دودو said...

الله عالكلام الحلو
هوووووووووو ده

ساعة صفا!!

عسل مرمر said...

ساعات بيتهيألى انك مصاحب ملاك
بيسربلك معلومات
عن الجنه و النار و ربنا
و الملاك اللى سرب المعلومات حلــفك انك متجيبش سيره لحد عن المعلومات دى
و انها سريه جدا
و انه ممكن يتأذى لو المعلومات اتسربت
بس انت من فضولك انك تحكى لصحابك
عن صاحبك الملاك و معلوماته
ضعفت و عملت زى سيدنا آدم لما مسمعش الكلام و أكل التفاحه



أتارى
الحكايه
كلها
متــخــططــه

Anonymous said...

مبروك يامعلم على الكسوه الجديده جايبها جاهزه من عند شباك ولا عاملها عموله ؟؟؟
على العموم اهى كساء البلوج خطوه يمكن يمكن البلوج يعديك ولا حاجه و تقشر اللبس الى عليك وتلبس بايضات جديده
اى حد

محمد ثروت الجابري said...

الله

عسل مرمر said...

نسيت اقوللك ان اختياراتك ف الألوان و الصور رائعه جدا


أمـــيـــره صـــلاح

hesham said...

روعـــــــــــــــــــــــة

محمد بدرى said...

مع انى عيان جدا وبقالى كام يوم فى السرير، بس ما اقدرتش امنع نفسى اعلق على الكلام اللى - اوله ملخبط - عاجبنى فى مجمله وفى اللسعان اللى فيه

الكنبة الحمرا said...

هشام
الله يخليك
كنت اتمنى ابعتلك القصايد العكسيه ضعيفه الايمان
عشان اشوف مدى صدقها مع حد بيشوف عكسها
اشكرك الكنبه منورة

محمد بدرى
اشكرك
بس يا بنى انت قصدك فين اللغبطه
ارجوك اوعى تتصل بيا تقولى انها فيها تجاوز

وبعدين سلامتك
انا ال هتصل بيك