الناس زعلانه من الحياه معصوبة من الجمال
وحجتها الوحيده انها شايله هموم العيال
شايله هموم الجبال
شوف تقل دمهم
شوف عنف سجدهم
بيحسوا بذنب فاضح
الناس
متحسش فرق واضح
بين وشوشهم والتراب
زعلانه من الحياة معصوبة من الجمال
بتعبد فى الحقيقه بتقوى على الخيال
الناس
حساسه فى فقرها
بترد عليك كأنك
هتشدها من شعرها
وتجرجرها السلالم عشان سيدها الغنى
والغنى
غرقان بهت وفجاجة
خايف من كل حاجه
عامل زى ال ضيع عمره يحوش مهرها
الناس
زعلانه من الحياة معصوبه من الجمال
وحجتها الوحيده انها شايله هموم العيال
شايله هموم الجبال
3 comments:
خصوبة الخيال ,, هيه اللى بتجيب العيال
على فكره الكلام اللى ف البروفايل بخصوص مامتك و الكنبه ده كلام مؤثر جدا
بس ابقا صلح الأخطاء الاملائيه اللى فيه يا معلم
الخصوبه فى الرطوبه وكله تمام
اما بخصوص الكلام ال ف بروفايلى فلا يوجد به غير خطا املائى واحد الهمزة على فجاه
وطبعا الافتعال كما اشرتى عندك
Post a Comment