Friday, January 12, 2007

الطريقة التى يستحم بها بهظ

واحد صاحب بهظ لذيذ من القاهرة اسمه( هندس) نازل عندنا اليومين دول احنا معندناش سخان
وبالعافيه اشترينا بوتجاز بالكهربا صغنن مشكلة (هندس) الاستحمام, الميه بتنزل ساقع جدا
لا بجد جدا جدا الواد يعنى تخيلو بينزل القاهرة يستحمى مخصوص ويجى تانى على اساس انه كده كده نازل او واحد صاحب معاه عربيه ونازل ودى فكرة عظيمه تسافر تستحمى وتيجى
بهظ بقى بيروح يستحمى عند صحابه
انا لا
لالالا...مينفعش معايا الكلام ده بستحمى ف البيت وان كان فكرة انى مرة قعدت ادور على الريحه الوحشه الى ماليا المكتب ف الشغل ايه ووصلت لاكتشاف
الله
دى ريحه مش غربيه ...لا بجد... انا بشم الريحه دى برضه ف البيت
يكون الجو فيه حاجه
اوبس
الريحه دى شبهى شويه ...كانت ريحتى... زى الكلب اللو لو بنجر كل يوم وادخل استحمى واتفرجوا بقى على الاكروبات ..اقلع هدومى واقعد ادخل ايدى تحت الدش
اح
اوووووه
ثم فجأه وعلى حين غرة اقوم ساقط تحت الدش
ااااااااااااااااه
روحى بتروح لثوانى
انا اسف للتشبيه
بس روحى بتتسحب منى كأنى نايم مع بنت شرهه مووت
بس ...كفايه ارجوكى
لالالا
ااااه
بس
تخيلو المفارقه
بهظ اقنعته انه ينام فايق امبارح ويدخل يستحمى قلت له لانك شخص مبتدأ تجرب الخطه بى اول حرف من اسمى ادعك كل جسمك صابون اوى رغاوى بقى ...يعنى تبقى كلك ابيض ...طبقه صابونيه بحته ثم انزل من غير ما تاخد بالك تحت الدش قال لى ببراءه طفوليه جربانه ضيعه وده هيخلينى مسرخش واقول اح
قلت له ف الحقيقه لا بس احنا هنعمل الى علينا
بهظ دخل وياريته مادخل
بنت برستتيوت
بريستتيوت برستتيوت يعنى مش هزار بوظته
وفضلت روحه مخطوف منه وجسمه كله مشدود تحت الدش
------
ملحوظ هامه
انا وبهظ ولاد ناس جدا ممكن نشترى حله ونسخن ميه بدل التعب ده بس لا...لا والف لا مش اقل من حله تيفال زهران الى نسخن فيها ميه ونستحمى
طبعا
لذا نحن فى انتظار شراء الحله التيفاليه وخروج البنات البتش من تحت الدش

4 comments:

هندس said...

لألألأ الوصف اكبر من اللى وصفته، انا قولت بهظ هيتلبس فى الحمام من كتير الاصوات اللى طلعها وطريقتها. وانت يا بيبو فضلت تضحك الضحكة الشريرة لإنك انت اللى وزيته على كده.
ولو لازم حلة تيفال زهران يبقى تكاليف نزول القاهرة وارجع تانى ارخص ياعم ولا اتلبس زيكم فى الحمام

Bahz Baih said...

من الواضح انى هعلن عليك الحرب يا بيبو

و على فكره انا بسجل كل الكلام اللى انت بتقوله و انت نايم

و فضيحتك هتبقى بجلاجل

انت ناسى ان الكنبه جنب السرير

barby hanem said...

يا عينى !!! ولاد ناس و هتستحمو ف الحله ؟؟؟

Anonymous said...

والل الواد بهظ ده ابن ناس بجد عشان مفضحكش و قال ان بعدها بكام يوم كنت انا و هو و هندس قاعدين في الاوضة اللي بظ عاوز يعزل منها و سمعنا كل اصوات التاوهات اللي كانت طالعة منك و انت بتستحمى لدرجة اني خفت ان عم سعد يفتكر اننا جابين واحدة فعلا
وبعدين هو الواد بهظ مكتبش ليه مدونة سعد سعد يحيا سعد اللي احنا اتفقنا عليا
مودي