ريحه كيك

ريحة كيك
ريحة كيك بالزبيب
ريحة كيك بالزبيب شكله سخن
ريحة كيك بالزبيب شكه سخن طالع من الفرن
ريحةكيك بالزبيب شكله سخن طالع من الفرن عملاه واحده ست

واقفه ف المطبخ حافيه
كعوبها دافيه
لابسه فستان بيتى ابيض
عليه ورد روز بهتان
م الغسيل

ريحة كيك طعمه بنى
زى لون طعم حلمة بزها
بنى
ريحة كيك متقطع حلو
كل حروفه محروقة
معمول بمزاج واحده رايقه
رقبتها الكنزة
معموله بلذه

ريحة كيك
طعم البوس على شفتها
زى الورد الباهت
روز
على فستنها
ريحة حزن ف رقبتها
ريحة وقت بعيد ف حيطان بيتها
ريحة عمر

تاكل كيك